Hamlet di William Shakespeare. Traduzzioni di Marcu Biancarelli.

Chì capu d’opara, l’omu ! Cussì nobili cù a so raghjoni, cussì infinitu cù i so facultà, cù i so formi è i so muvimenti cussì bè mudillatu è ammirevuli, par via di l’azzioni cussì vicina d’un anghjulu, par via di u pinsà cussì vicinu d’un diu : a maravidda di u mondu, u parangonu di l’animali !
È puri, par mè, chì valarà ‘ssa quintiscenza di pulvariccia ? L’omu, mancu più m’incanta, nè i donni d’altrondi, ancu sì, cù u vosciu surrisu, a lacariati intenda.